Labarik sira (#12553)

Oh Maromak! Eduka labarik sira ne’e. Labarik sira ne’e mak hanesan ai-horis husi Ita-Boot nia to’os, ai-fuan husi Ita-Boot nia du’ut-laran, roza husi Ita-Boot nia jardín. Husik Ita-Boot nia udan monu ba sira; husik loromatan realidade nian halo nabilan sira ho Ita-Boot nia domin. Husik Ita-Boot nia anin-hirin refreska sira hodi nune’e sira bele hetan treinu, sai buras no dezenvolve, no mosu ho furak tebe-tebes. Ita-Boot mak laran-luak. Ita-Boot mak laran-murak.

-`Abdu'l-Bahá
-----------------------

Labarik sira (#12554)

Oh Ita-Boot Na’i laran-di'ak! Labarik kmanek sira-ne'e mak hanesan artezanatu husi liman-fuan husi Ita-Boot nia kbiit no hanesan sinál maravillozu husi Ita-Boot nia kmanek-bain. Oh Maromak! Proteje labarik sira ne'e, tulun sira ho laran-murak atu sai edukadu no hakbiit sira atu serbí mundu umanidade nian. Oh Maromak! Labarik sira ne’e mak hanesan pérola, hakiak sira iha Ita-Boot nia domin no laran-di’ak. Ita-Boot mak Laran-luak, Hadomi-na’in ba hotu-hotu.

-`Abdu'l-Bahá
-----------------------

Labarik sira (#12555)

Oh Na’i! Ha’u hanesan labarik ida; fó kbiit mai ha’u atu dezenvolve liuhosi Ita-Boot nia domin no laran-di’ak. Ha’u hanesan ai-horis nurak ida; haburas ha’u liuhosi udan husi Ita-Boot nia laran-luak. Ha’u hanesan ai-oan ida iha jardín domin nian; halo ha’u sai hanesan ai-hun ne’ebé fó-fuan barak. Ita-Boot maka iha Kbiit no Podér, no Ita-Boot maka Hadomi hotu-hotu, Hatene hotu-hotu, Haree hotu-hotu.

-`Abdu'l-Bahá
-----------------------

Labarik sira (#12556)

Oh Ita-Boot Na’i laran-di’ak! Ha’u labarik ki’ik ida, onra ha’u liuhosi hatama ha’u ba reinu. Ha’u rai nian, halo ha’u lalehan nian, ha’u mundu-kraik nian, halo ha’u pertense ba mundu-aas; solok-laek, permite ha’u atu sai nabilan; materiál, halo ha’u espirituál, no haraik mai ha’u hodi ha’u bele manifesta Ita-Boot nia bensaun rohan-laek. Ita-Boot iha forsa liu hotu-hotu, hadomi hotu-hotu.

-`Abdu'l-Bahá
-----------------------

Labarik sira (#12557)

Oh ha’u nia Maromak! Oh ha’u nia Maromak! Ita-Boot haree labarik sira ne’e hanesan lutu ai-moris nian, manu husi du’ut-laran salvasaun nian, pérola husi oseanu husi Ita-Boot nia grasa, ai-funan roza husi jardín husi Ita-Boot nia konsellu.
Oh Maromak, ami nia Na’i! Ami hananu no hahi’i Ita-Boot, fó sasin ba Ita-Boot nia santidade no husu ho laran tomak husi lalehan husi Ita-Boot nia laran sadi’a atu halo ami hanesan naroman konsellu nian, fitun iha orizonte tutun husi glória rohan-laek ne'ebé lakan ba umanidade, no atu hanorin ami koñesimentu ida ne’ebé mai husi Ita-Boot. Yá Bahá’u’l-Abhá!

-`Abdu'l-Bahá
-----------------------

